ՄԵՐ ՄԱՍԻՆ |
|||||||||||||||||
 |
|||||||||||||||||
|
Հայաստանի Հանրապետության կրթության և գիտության նախարարության ենթակայության տակ գործող Հրազդանի Պետական Քոլեջը միջին մասնագիտական ուսումնական հաստատություն է, որն ունի 40 տարվա կենսագրություն: Իր գոյության տարիներին քոլեջը բազմապիսի մասնագիտություններով բազմաթիվ կադրեր է նախապատրաստել, որոնք աշխատել և աշխատում են տարածաշրջանի մի շարք հիմնարկ ձեռնարկություններում: Քոլեջում կան ուսանողներ նաև Գեղարքունիքի մարզի մի շարք բնակավայրերից, որոնց հետ կապը նույնպես իրականացվում է երթուղային տաքսիներով: Բացի դրանից գործում է 4 ուսանողական ավտոբուս, որոնք առավոտյան դասի են բերում և դասերից հետո տուն են հասցնում ուսանողներին: Նախկինում և ներկա պահին քոլեջի կառավարումը իրականացվում է կառուցվածքային հետևյալ կարգով.
Սակայն կառավարման նշված ձևը միտված է միայն ուսումնա-դաստիարակչական վերահսկումը իրականացնելու համար, իսկ քոլեջի ընդհանուր կառավարումը իր մեջ ներառում է նաև այլ ոլորտներ: Դրանք են. ֆինանսական, տնտեսական և կոլեկտիվի կառավարում: Քոլեջի դասավանդողները հիմնական հաստիքային աշխատողներ են և անցել են որոշակի վերապատրաստում ուսուցման ակտիվ մեթոդների գծով: Մասնագիտական առարկաների դասավանդողներն ունեն գործնական աշխատանքի զգալի փորձ: Քոլեջն ունի որոշակի քանակի նոր տեխնիկական միջոցներ: 2007 ուսումնական տարում ստեղծվել է ջեռուցման նոր ցանց: Շենքում իրականացվում է հիմնանորոգման աշխատանքներ, որը նախատեսվում է ավարտին հասցնել 2008 թվականի ընթացքում: Առաջիկա պլանում ընդգրկված են այն բոլոր նպատակները և խնդիրները, որոնք քոլեջը ձգտում է իրականացնել առաջիկա երեք տարիների /2008-2010թթ/ ընթացքում: Այդ խնդիրներից են ոչ միայն նշված և դրանց հարակից մասնագիտությունների գծով միջին մասնագիտական կրթական ծրագրերի իրականացումը, աշխատողների վերապատրաստման լրացուցիչ կրթական ծրագրերի իրականացումը, այլ նաև աշխատաշուկայի պահանջներին և համապատասխան կարճաժամկետ կրթության իրականացումը: |